posted on : अप्रैल 10, 2022 3:39 अपराह्न
कोटद्वार : उत्तराखण्ड विकास पार्टी न मसूरी एक्सप्रेस तै कोटद्वार बिटि संचालित कै जाण क मांग कै च। उत्तराखण्ड विकास पार्टी क उपाध्यक्ष पूरण सिंह भण्डारी न बोली कि मसूरी एक्सप्रेस अजै नजीबाबाद तक ही संचालित हूंणी च जै का कारण पूरु गढ़वाल का मनखियों तै परेशानी हूंणी च। ऊन बोली कि बॉर्डर जाण या बॉर्डर बिटि आण वाला फौजी भै बन्धों तै ये कारण नजीबाबाद स्टेशन मा भारी परेशानी उठाणी पड़णी च। पूरण सिंह भंडारी न गढ़वाल एक्सप्रेस , मसूरी एक्सप्रेस शुरू करणक दगड़ी दगड़ी हावड़ा आण जाण वाला डिब्बों तै पुनः सन्चालित करणक मांग कै। ऊन बोली कि पूर्वोत्तर जाण मा हमारा फौजी भाइयों तै दिक्कत हुन्दी च।
