उत्तराखण्ड विकास पार्टी डीजल और पेट्रोल क दामों मा बढ़ौतरी का दगड़ी दगड़ी गैस का दामों मा कै जाण वाली वृद्धि क विरोध करदी च , और भारत सरकार और भाजपा क राज्य सरकार बिटि ये पूछणा चांद च कि जब रूस बिटि तेल सप्लाई कम कीमतों मा हूंणी च, तब ये बढ़ौतरी किलै कै जाणी च ?
उत्तराखण्ड विकास पार्टी क उपाध्यक्ष राजपाल सिंह रावत न मांग कै कि तेल क कीमतों तै जीएसटी के दायरा मा लै जै ताकि आम मनखी तै वेक असली हक प्राप्त ह्यूए पै।
राजपाल सिंह रावत न बोली कि उत्तराखण्ड विकास पार्टी क माणणु च कि तेल क कीमतों मा अनावश्यक रूप मा टैक्स लगै की भाजपा सरकार आम मनखियों तै बेवजह परेशान, कुंठित, हताश व निराश करणी च ।
कोरोना काल मा आम मनखी तै सरकार क ओर बिटि क्या राहत मिल च ?
मध्यम वर्ग क मनखी तै अपणु किराया क मकान व दुकान ऑफिस क किराया तक दींण पड़ गै जबरि वो कुछ नि कमाणु छै ।
और त और, बैंकों बिटि भी जो लोन ल्ये छै वे पर भी वेन घौर मा बैठिकी ब्याज दए वेक ब्याज क एक पैसा भी सरकार न कम नि कै, उल्टा ही लोन अगनै बढ़ै की ब्याज भी ज्यादा वसूल ल्ये।
भारतीय जनता पार्टी न मध्यमवर्गीय मनखी क जिंदगी दुर्भर कै दए च।
जन जन वो मेहनत कैकी अपणु परिवार तै पालणक कोशिश करदू च वन वन भारतीय जनता पार्टी तेल का दामों मा बढ़ौतरी कै की वेक अरमानों मा पानी फेर देन्दी च।
उन बोली कि पहाड़ों तै बचाण कुंण स्पेशल पैकेज दींणक जरूरत च।
