उत्तराखण्ड मा भूमि पर पैल हक मूल मनखियों क च

गढ़वाल : उत्तराखण्ड विकास पार्टी क महासचिव संजय बुड़ाकोटी न बोली कि जबरी तक यखक मूल मनखियों तै भूमि नि दिए जांदी च, तबरी तलक कै भी भैर का मनखी क यखक भूमि  पर अवैध कब्जा तै नियमित नि कै जै। पार्टी क महासचिव संजय बुड़ाकोटी न बोली कि पहाड़ मा करीब एक हजार गौं प्राकृतिक एवम मानव जनित आपदा का कारण विस्थापन क कगार पर छन।  जै मा टिहरी बाँध और व्यासी बाँध का विस्थापित भी छन।  जौं तै अजै तक भूमि नि मिल पै च , किलै की सरकार बुलणी लगीं च कि वेक पास भूमि नि च, फिर भैर का मनखियों क अवैध कब्जों तै कन क़ै की नियमित कै जा सकदू च। उन बोली कि उत्तराखण्ड मा भूमि पर पैल हक उत्तराखण्डियों क च और भाजपा भैर का मनखियों तै वोट बैंक का खातिर बसाणी च।